مسلم مسيحى فى الوطن اخوان

مسلم مسيحى فى الوطن اخوان

مسلم مسيحى فى الوطن اخوان

-----------------------------

شعر: محمد عبد القوى حسن

----------------------------

 مسلم مسيحى فى الوطن اخوان

فى ارض مصر بيزرعوا

تطلع عيدان

قمح ودره وشامى وفول

وكمان كيزان

جرجس بيسهر على الحدود

واحمد ينام

ومحمدين ع السد واقف ليل نهار

واسحاق ومرقص يرضعوا من النيل سلام

دكتور عماد بن سليمان

بيعالج ابنى بخبرته

وبحنكته يدير المكان

ونصر راضى فى الغيطان

بيوزع القمحات على كل الجيران

لا ف يوم اكلنا لوحدنا

ولا يوم قطفنا قطننا

وحد منا مالوش مكان

ترحيله نطلع كلنا

فى الصف كوكتيل انسان

وعصير محبه فى بقنا

من يد مريم او حنان

وستنا العدرا تلامس وشنا

ترقى الولاد المسحورين م الجا

وابونا مرقص من كفوفه

كلنا بركة القداس كمان

فى الخدمه ميرى زيينا

اخضر لمونى وبرتقان

وسلاحنا حب من الجدود

طالع مزرع للعنان

مين اللى قالك ياعم موسى

دالتخته دى نصين كمان

فى تحية العلم الصباح

حسك وحسى صولجان

بقطر بخرطوم المياه

اطعم جبل برليف سيلان

والعم عبد العاطى صادلك ياصليب

الدبابات كما الحمام

محمود دبح عجلين تقال

صمويل طبخ وعطيه شال

واحنا بنحفر فى القنال

ومرات نجيب وانا عندهم

فى البيت تجيب الميه دافيه فى الشتا

ويوسف يصب

اتوضا اصلى عندهم

نتغدى حب

الدرس اتعلمناه تمام وشبعنا ضرب

سيبك بقى قولة نسيج

وخطب ومانشيتات وندب

اسال هموم الكون تقولك

مين اللى شالها فى عز غلب

دالحيطه شرك

الارض ملك

والكل رافع وشه فوق عند السما

يبقى اللى جاى يضرب فشنك

يعيش فى ضنك

يتغدى يفطر فى الهوان

 

 للشاعر /

محمد عبد القوى حسن

مقرر شعبة شعر العاميه باتحاد كتاب مصر

محرر صحفى بجريدة اسرار الاسبوع

http://www.asrar7days.com

التعليقات

التعليقات تحتاج لموافقة صاحب المدونة لنشرها.


استضافة مجانية من موقع مدونات عبر ! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة- Report copyright abuse | سياسة الخصوصية |نسخة الموبايل